|
|
-
- D a s n a r r e n s c h y f f .
I I . V o n g u t e n r e t e n
- __________________________________________
- Wer sich vff gwalt jm radt verloßt
Und henckt sich wo der wint har bloßt
Der selb die suw jnn kessel stoßt
![](bra_n002.jpg)
- Von guten reten
- Vil sint den ist dar noch gar not
Wie sie bald kumen jn den rot
Die doch des rechten nit verston
Vnd blintlich an den wenden gon
- 5
- Der gůt Cusy ist leyder dot
Achytofel besytzt den rodt /
Wer vrteln sol vnd raten schlecht
Der dunck vnd folg alleyn zů recht
Vff das er nit ein zunsteck blib
- 10
- Do mit man die suw in kessel trib
Worlich sag ich es hat kein fůg
Es ist mit duncken nit genůg
Do mit verkürtzet würt das recht
Es durfft das man sich baß bedecht
- 15
- Vnd witer fragt / was man nit wust
Danñ wirt das recht verkürtzet sust
So hast kein wrwort gegen got
Gloub mir / fürwor es ist kein spot
Wann yeder wüst / was volgt har noch
- 20
- Im wer zů vrteiln nit so goch /
Mit slcher moß / wirt yederman
Gemessen / als er hat gethan
Wie du richtst mich / vnd ich richt dich
Als wirt er richten dich vnd mich /
- 25
- Eyn yeder wart noch synem dot
Der vrteil die er geben hat
Wer mit sym urteil bschwæret vil
Dem ist gesetzet ouch sin zyl
Do er ein gwalttig vrteil fyndt
- 30
- Der stein der felt jm vff den grindt
Wer hie nit halt gerechtikeit
Der fyndt sie dort mit hertikeit
Keyn wisheyt / gwalt / fűrsichtikeit /
Keyn ratt / got wider sich verdreit
|
|