|
|
-
- D a s n a r r e n s c h y f f .
I X . V o n b o s e n s y t t e n .
- __________________________________________
- Wer hat bß sitten vnd geberd
Vnd guckt wo er zům narren werd
Der schleyfft die kappen an der erd
![](bra_n009.jpg)
- Von bosen sytten.
- Vil gandt gar stoltz jn schuben har
Vnd werffent den kopff har vnd dar
Dann hyn zů tal / dann vff zů berg
Dann hyndersich dann vberzwerg
- 5
- Dann gont sie bald / dann vast gemach
Das gibt ein anzeig vnd vrsach
Das sie hant ein lichtferig gműt
Vor dem man sich gar billich hűtt
Wer wyß ist / vnd gůt sitten hatt
- 10
- Dem selb syn wesen wol an stat
Vnd was der selb anfaht vnd důt
Das dunckt ein yeden wysen gůt
Die wor wysheit voht an mit scham
Sie ist züchtig / still / vnd fridsam /
- 15
- Vnd ist ir mit dem gůten wol
Des füllt sie got genaden vol
Besser ist haben gůt geberd
Dann alle richtum vff der erd
Vß sytten man gar bald verstat
- 20
- Was einer jn sym hertzen hat
Mancher der sytten wenig schont
Das schafft / er hatt sin nit gewont
Vnd ist gezogen nit dar zů
Des hatt geberd er / wie ein ků
- 25
- Die best gezierd / vnd hhster nam
Das sint gůt sitten / zucht / vnd scham
Zů gůttem sydt sich Noe zoch
Doch flůg jm Cham syn sůn nit noch
Wer einen wysen sůn gebert
- 30
- Der sytt / vernunfft / vnd wyßheit lert
Der soll des billich dancken got
Der jn mit gnad versehen hat
Syns vatters nase Albinus aß
Das er jn nit hatt gzogen baß
|
|