|
|
-
- D a s n a r r e n s c h y f f .
X X I I . D i e l e r d e r w i s h e i t .
- __________________________________________
- Wer gern die wißheyt hrt vnd lert
Gentzlich zů jr sich allzyt kert
Der wurt jn ewikeyt geert
![](bra_n022.jpg)
- Die ler der wisheit.
- Die wißheyt schrygt mit heller stym
O menschlich gschlecht myn wort vernym
Vff bschydikeyt hant acht jr kyndt
Mercken all / die jn dorheyt synt /
- 5
- Sůchen die ler vnd nit das gelt
Wißheyt ist besser dann all welt
Vnd alles das man wünschen mag
Stellen noch wißheyt nacht vnd tag
Nüt ist / das ir glich vff der erd
- 10
- In rætten ist wißheyt gar werdt
All sterck vnd all fürsichtikeyt
Stot zů mir eyn / spricht die wißheyt
Durch mich / die kunig hant jr kron
Durch mich / all gsatz mit reht vff ston
- 15
- Durch mich / die fürsten hant jr landt
Durch mich / all gwælt jr rehtspruch hâd
Wer mich lieb hat / den lieb ouch ich
Wer mich frü sucht / der fyndt mich
By mir ist richtům / gůt / vnd ere
- 20
- Mich hat besessen gott der herre
Von anbegynn jn ewikeyt
Durch mich hatt got all ding bereit
Vnd on mich ist gar nüt gemacht
Wol dem / der mich allzyt betracht
- 25
- Dar vmb myn sůn nit synt so træg
Sellig ist der gat vff mym wæg
Wer mich findt / der fyndt heil vnd glück
Der mich hasßt / der verdyrbt gar dick
Die plag wurt vber narren gan
- 30
- Sie werdent wißheyt sehen an
Vnd den lon / der drumb ist bereit
Vnd werend wurt jn ewikeyt
Das sie jnblůtend vnd selbst sich
In jamer nagent ewiklich
|
|