|
|
-
- D a s n a r r e n s c h y f f .
X X V I I I . V o n w i d e r g o t t r e d e n .
- __________________________________________
- Solt gott noch vnserm willen machen
Vbel ging es jn allen sachen
Wir wurden weynen me dann lachen
![](bra_n028.jpg)
- Von wider gott reden.
- Der ist eyn narr / der macht eyn für
Das er dem sunnen schyn geb stür
Oder wer fackeln zündet an
Vnd will der sunnen glast zů stan
- 5
- Vil mer der gott strofft vmb syn werck
Der heisßt wol Henn von narrenberg
Dann er all narren vbertrifft
Sin narrheyt gibt er jn geschrifft
Dann gotts gnad vnd fürsichtikeyt
- 10
- Ist so voll aller wissenheyt
Das sie nit darff der menschen ler
Oder das man mit rům sie mer
Dar vmb o narr / was straffst du gott
Din wißheit ist gen jm eyn spot
- 15
- Loß gott důn synem willen nach
Es syg gůttæt / stroff / oder rach
Loß wittern jn / loß machen schn
Dann ob du joch dar vmb bist hn
So gschicht es doch nit dester ee
- 20
- Din wünschen důt alleyn dir wee
Dar zů versündest dich gar schwær
Vil wæger dir geschwygen wer
Wir betten das syn will der werd
Als jn dem hymel / so vff erd /
- 25
- Vnd du narr wilt jn stroffen leren
Als ob er sich an dich můst keren
Gott weiß all ding baß ordinieren
Dann durch din narreht fantisieren
Das judisch volck das lert vns wol
- 30
- Ob gott well das man murmlen sol
Wer was sin ratgeb zů der zyt
Do er all ding schůf / macht vß nüt
Wer hat jm geben vor vnd ee
Der rűm sich des / vnd stroff jn me
|
|