|
|
-
- D a s n a r r e n s c h y f f .
L X I V . V o n b o s e n w i b e r n .
- __________________________________________
- Mancher der ritt gern spat vnd frů
Künd er vor frowen kumen zů
Die lont dem esel seltten růw
![](bra_n035.jpg)
- Von bosen wibern.
- Inn myner vorred hab ich gton
Eyn bzügniß / protestacion
Ich well der gůtten frowen nycht
Mit arg gedencken jn mym gdycht
- 5
- Aber man würt bald von mir klagen
Solt ich nüt von den bsen sagen
Eyn frow / die gern von wißheit hrt
Die würt nit lycht jn schand verkrt
Eyn gůt frow / senfft des mannes zorn
- 10
- Assuerus hatt eyn eyd geschworn
Noch macht jn Hester weych vnd lynd
Abygayl senfft Dauid gschwynd
Aber bß frowen / gænt bß rædt
Als Ochosyas můter dett
- 15
- Herodias jr dochter hyeß
Das man den tuffer kppfen lyeß
Salmon durch frowen rætt verkert
Wart / das er die abgtter ert /
Eyn frow ist worden bald eyn hætz
- 20
- Wann jnn sunst wol ist mit geschwætz
Vnd lyplep / schnædern / tag vnd nacht
Pyeris hat vil jungen gmaht
Den ist gelüpt die zung so wol
Das sie dick brennet wie eyn kol /
- 25
- Diß klagt / die klappert / dise lügt
Die richt vß / als das stübt vnd flügt /
Die ander kyflet an dem bett
Der eeman seltten fryd do hett
Můß hren predig ouch gar offt
- 30
- So manch barfůsser lytt vnd schlofft
Es züht die stræbkatz mancher man
Der doch das merteyl noch můß lan /
Manch frow ist frum vnd bschyd genůg
Vnd ist dem man alleyn zů klůg
- 35
- Das sie nit von jm lyden mag
Das er sie ettwas ler / vnd sag /
Gar dick eyn man jnn vnglück kunt
Alleyn durch siner frowen mundt
Als Amphyon zů Theba gschach
- 40
- Do er syn kynd all sterben sach /
Wann frowen soltten reden vil
Calphurnia kem bald jns spil /
Eyn bß frow stæts jr boßheyt eügt
Die frow der joseph dyent / das zeygt /
- 45
- Keyn grssern zorn man yenant spürt
Dann so eyn wibs bild zornig würt
Die wűttet / wie eyn lwin stůdt
Der man die jungen næmen důt
Oder eyn bærin / die do seygt
- 50
- Medea das / vnd Progne zeygt /
Wañ mâ die wißheyt gâtz durch gründt
Keyn bitterer krut vff erd man fyndt
Dann frowen der hertz ist eyn garn
Vnd strick / dar jn vil doren farn /
- 55
- Durch dry ding würt die erd erschütt
Das vierd das mag sie tragen nitt /
Eyn knecht der worden ist eyn her /
Eyn narr der sich hat gfüllet ser /
Eyn nydesch bß vnd gifftig wib
- 60
- Wer die vermæhlet synem lib /
Das vierd all früntschafft gantz verderbt
Eyn dienst magt die jr frowen erbt /
Dry ding man nit erfüllen mag
Das vierd schrygt stæts / har zů har trag
- 65
- Eyn frow / die hell / das erterich
Das schluckt all wassers güsß jnn sich /
Das für spricht nyemer hr vff nů
Ich hab genůg / trag nym har zů /
Dry ding ich nit erkennen kan
- 70
- Des vierden weiß ich gantz nütz von /
Wann jn dem lufft eyn Adler flüht
Eyn schlang die vff eym velsen krücht
Eyn schiff das mitten gat jm mer /
Eyn man der noch hat kyndesch ler /
- 75
- Des glych der weg eynr frowen ist
Die sich zům eebruch hat gerüst
Die schleckt / vnd wüscht den munt gar schō
Vnd spricht / ich hab nüt bss getō
Eym rynnend tach zů wynters fryst
- 80
- Ist glich eyn frow die zænckisch ist /
Hell / vnd vægtüfel hat genůg
Wer mit eynr solchen züht jm pflůg /
Vaschy hat vil nochkumen gelan
Die wenig achten vff jr man /
- 85
- Des wibs will ich geschwigen gar
Die zů riehten / eyn süpplin gtar
Als Poncia vnd Agrippina /
Belides vnd Clytymnestra
Die jr mann stochen an dem bett
- 90
- Als Phereo syn hußfrow dett /
Gar seltzen ist Lucrecia /
Oder Cathonis porcia
Vppiger frowen fyndt man vil
Dann Thays ist jn allem spil
|
|