|
|
-
- D a s n a r r e n s c h y f f .
L X I X . B o s d u n v n d n i t w a r t ē
- __________________________________________
- Der würffet jnn die hh den ball
Vnd warttet nit des widerfall
Wer will die lüt erzürnen all
![](bra_n069.jpg)
- Bos dun vnd nit wartē
- Der ist eyn narr der andern důt
Das er von keym mag han für gůt
Lůg yeder / was er andern tűg
Das jn do mit ouch wol benűg
- 5
- Wie yeder vor dem wald jn byltt
Des glich jm allzyt widerhyltt
Wer andere stossen wil jnn sack
Der wart ouch selbs des backenschlack /
Wer vilen seyt / was yedem gbrist
- 10
- Der hrt gar offt ouch / wer er ist
Wie Adonisedech hatt gton
Vil andern / als wart jm der lon /
Beryllus sang selb jn der ků
Die er het andern gerüstet zů /
- 15
- Des glich geschach ouch Busyris
Diomedi vnd Phalaris /
Mancher eym andern macht eyn loch
Dar jn er selber fallet doch /
Eyn galg eym andern macht Aman
- 20
- Do er wart selbst gehencket an /
Truw yedem wol / lůg doch für dich
Dann worlich / truw ist yetz mysßlich
Lůg vor / was hynder yedem stæck
Wol truwen / rytt vil pferd hyn wægk /
- 25
- Nyt yß mit eym nydischen man
Noch wellst mit jm zů dische gan
Dann er von stund an vberschlacht
Das du nye hast jnn dir gedacht
Er spricht zů dir / fründt ysß / vnd trinck
- 30
- Doch ist syn hertz an dir gantz linck
Als ob er sprech / wol günd ichs dir
Als hetts eyn diep gestolen mir /
Mancher der lacht dich an jn schertz
Der dir doch heymlich æß din hertz
|
|