|
|
-
- D a s n a r r e n s c h y f f .
L X X I . Z a n c k ē v n d z u g e r i c h t g ō
- __________________________________________
- Gar dick der hæchlen / er entpfyndt
Wer stætes zancket / wie eyn kyndt
Vnd meynt die worheyt machen blyndt
![](bra_n071.jpg)
- Zanckē vnd zu gericht gō
- Von den narren will ich ouch sagen
Die jnn eynr yeden sach went tagen
Vnd nüt mit lieb lont kumen ab
Do man nit vor / eyn zanck vmb hab
- 5
- Do mit die sach sich lang verzyech
Vnd man der gerechtikeyt entfliech
Lont sie sich bitten / triben / manen
Echten / verlüten / vnd verbannen /
Verlossend sich / das sie das recht
- 10
- Wol bűgen / das es nit blib schlecht
Als ob es wer eyn wæchsin naß
Nit denckend / das sy sint der has
Der jnn der schriber pfeffer kunt
Der vogt / gwalthaber / vnd fürmundt
- 15
- Vnd aduocat / můß zů sym disch
Dar von ouch han eyn schlægle visch
Die künnent dann die sach wol breyten
Vnd jr garn noch dem wilttbræt spreytē
Das vß eym sæchle / wurt eyn sach
- 20
- Vnd vß eym rünsly / werd eyn bach
Man můß yetz kstlich redner dyngen
Vnd sie von verren landen bringen
Das sie die sachen wol verklűgen
Vnd mit geschwætz / eyn richter btrűgen
- 25
- So můß man dann vil tag anstellen
Do mit der tagsolt mg vff schwællen
Vnd werd verritten / vnd verzert
Me / dann der houbtsach zů gehrt
Mancher verzert jn petterle me
- 30
- Dann jm vß synem tag entstee /
Noch meynt er worheyt also blenden
So er die sach nit bald loßt enden /
Ich woltt wem wol mit zancken wær
Das er am ars hett hæchlen schwær
|
|