|
|
-
- D a s n a r r e n s c h y f f .
L X X X I . v o n k o c h e n v n d k e l l e r
- __________________________________________
- Hie kumen keller / kch / eehaltten
All die des huses sorg / důnt waltten
Die redlich jnn dem schiff důnt schaltten
![](bra_n081.jpg)
- von kochen vnd keller
- Eyn bttlin erst vor vns hyn lyeff
Das froget noch dem narren schiff
Dem goben wir versaltzen suppen
Das er dem flæschlin wol mcht luppen
- 5
- Im wasß zů louffen also goch
Das flæschlin es on duren zoch
Wir wolten jm brieff geben han
Wolt es doch nit so lang still stan /
Des kumen wir die straß hie schlecht
- 10
- Keller / vnd kch / megde / eehalt / knecht
Die mit der kuchen sint behafft
Wir tragen all vff noch kuntschafft
Dar vß keyn duren vns bestat
Vß vnserm seckel es nit gat
- 15
- Vor vß wann vnser herschafft nycht
Zů huß ist / vnd es nyeman sycht /
So schlēmen wir / vnd tabernyeren
Frmde prasser / wir mit vns heym fűren
Vnd geben do gar manchen stoß
- 20
- Der kannen / krusen / fleschen groß
Wañ nachts die herschafft schloffen gat
Vnd rygel / tor / beschlossen hatt
So drincken wir dann nit des bsten
Wir lossen vß dem vaß / dem grsten
- 25
- Do mag man es nit wol an spűren
Ans bett / wir dann eynander fűren
Doch důnt wir vor zwen socken an
Das vns die herschafft nit hr gan
Vnd ob man schon hrt ettwas krachen
- 30
- Mann wænt die katzen důnt das machen
Vnd wenn eyn kleyn zyt vmbhar gat
So wænt der herr / das er noch hat
In sym væslin eyn gůten drunck
So macht der zappf dañ glunck glunck glunck
- 35
- Das ist eyn zeychen dar zů / das
Gar wenig ist me jnn dem faß
Dar zů / wir dar vff flißlich achten
Wie wir zů richten vil der trachten
Do mit den glust / vnd magen reytzen
- 40
- Mit kochen / syeden / broten / schweytzen /
Mit rsten / bachen / pfeffer bry
Voll zucker / wurtz / vnd spetzery
Geben wir eym eyn oxymell
Der by der stægen leidt gewell
- 45
- Oder můß das von jm purgyeren
Mit Syropen / vnd mit klystieren
Des achten wir gantz nütz zů mol
Dann wir ouch werden dar by vol
Vnser selbes wir nit vergessen
- 50
- Das best / wir ab dem hafen essen
Dann ob wir hungers sturben schon
Man sprech / es wer von vll gethon
Der keller spricht / brot mir eyn wurst
Her koch / so lesch ich dir den durst
- 55
- Der keller ist des wyns verræter
Der koch der ist des tüfels bræter /
Hye důt er gwonen by dem für
Das jm dort kumen würt zů stür /
Keller vnd kch sint seltten lær
- 60
- Sie tragen vff alls by der schwær
Ins narren schiff stat all jr bgær
Do joseph jnn Egypten kam
Der fürst der kch jnn zů jm nam
Iherusalem gwann Nabursadam
|
|