|
|
-
- D a s n a r r e n s c h y f f .
L X X X I X . v o n d o r e c h t ē w e c h s e l
- __________________________________________
- Wer syn mul / vmb eyn sackpfiff gytt
Der selb / syns tuschens gnűsset nytt
Vnd můß offt gan / so er gern rytt
![](bra_n089.jpg)
- von dorechtē wechsel
- Vil grsser arbeit hatt eyn narr
Wie das syn sel zůr hellen far
Dann keyn Eynsydel vor ye hatt
In aller wůst / vnd heymlich statt
- 5
- Do er dient vastend / bettend / gott /
Man sicht was hochfart arbeit hat
Wie mâ sich muttz / schmyer / nestel / briß
Vnd herte drück lyd / jnn manche wise
Der gydt tribt manchen über see
- 10
- Durch vngewitter / ræg / vnd schne
In Norwegen / Pylappen landt /
Keyn růw noch rast / die bůler handt /
Die spyeler haben übel zyt /
Vil mer / der schnapp han / der do ryt
- 15
- Vff den halßacker wogend sich /
Des prassers will gschwigen ich
Der allzyt voll ist / vmb syn hertz
Was drück der lyd / vñ heimlich schmertz
Des yfers zyt / ist nit die best
- 20
- Er vrcht eyn andern gouch jm nest
Syn eygen glyder kocht der nydt
Nyemans durch gottes ere sich lydt
Der jn gedult ansæh syn sel
Als Noe / Job / vnd Daniel
- 25
- Gar vil sint / den das bß gefeltt
Gar seltten der das gůt erwelt
Erwlen gůts eyn wiser soll
Das bß kunt all tag selbes wol
Wer gybt das hymelrich vmb myst
- 30
- Der ist eyn narr / so vil syn ist
Sin duschen der genüsset nitt
Wer ewigs / vmb zergenglichs gytt
Vnd das ichs kurtz mit wortten bgriff
Gybt er eyn esel / vmb eyn pfiff
|
|