|
|
-
- D a s n a r r e n s c h y f f .
X C I V . v o n h o f f n u n g v f f e r b ē
- __________________________________________
- Mancher frwt sich / vff frmbde hab
Wie er vil erb / vnd trag zů grab /
Die mit sym gbeyn nűsß werffen ab
![](bra_n094.jpg)
- von hoffnung vff erbē
- Eyn narr ist / wer sich dar vff spytzt
Das er eyns andern erb besytz
Oder für jn kum / jnn den rott
Syn gůt / pfründ / ampt / besytz noch dott
- 5
- Mancher eyns andern dott sich frwt
Des end / er nyemer me beschowt
Hofft eynen tragen hyn zů grab
Der mit sym gbeyn würfft byeren ab /
Wer hoffet vff eyns andern dott
- 10
- Vnd weis nit / wann syn sel vß gat
Der selb den esel důt beschlagen
Der jn gn narrenberg würt tragen /
Es sterben jung / starck / frlich lüt
So fyndt man ouch vil kelber hüt
- 15
- Es gat alleyn nit / über die kűg
Eym yeden syn armůt benűg
Vnd bgær nit / das es grsser werd
Eyn wilder vmblouff ist vff erd
Bulgarus erbt ouch synen sůn
- 20
- Des er nie hatt gehofft zů thůn
Pryamus sach syn kynd all sterben
Die er hofft / sie wurden syn erben
Absolon syns vatter tod noch schleych
Vnd reycht syn erbteyl an der eych
- 25
- Manchem eyn erb würt übernacht
Vff das / er vor nie hatt gedacht
Mancher eyn erben überkunt
Dem lieber wer / jnn erbt eyn hunt /
Nitt yedem gatt noch hoffens won
- 30
- Als Abraham / vnd Symeon
Loß vglin sorgen / wann gott will
So kumbt das glück / zytt / end / vnd zyl /
Das best erb ist jm vatterlandt
Do wir hyn hoffen allesandt
- 35
- Gar wenig stoßt es doch zůr handt
|
|