|
|
-
- D a s n a r r e n s c h y f f .
X C V I I I . v o n v s l e n d i g e n n a r r e n
- __________________________________________
- Hie hab ich gestelt noch vil zů samen
Die narren sint / vnd hant den nâmen
Dern ander narren sich doch schammen
![](bra_n098.jpg)
- von vslendigen narren
- Noch sint sunst vil vnnützer lüt
Die wűst gantz jnn der narren hüt
Vnd sint dar jnn verharret gantz
Gebunden vff des tüfels schwantz
- 5
- Vnd sint zů bringen nit dar von
Will ich still schwygend für sie gon
Vnd sie lon jnn jr narrheit bliben
Vnd von jr dorheyt wenig schriben
Als Saracenen / Türcken / Heyden
- 10
- All die vom glouben sint gescheyden
Den glich ich ouch / die kætzer schůl
Die haltt zů Prag / den narren stůl
Vnd hat gespreit vß jren standt
Das sie ouch hat yetz Mærrhern landt
- 15
- Die wűst jnn die narren kappen trettē
Glich wie all die anders an betten
Dann dry person / eyn woren gott
Den vnser gloub ist wie eyn spott
Die ich nit für schlecht narren han
- 20
- Sie műssen vff der kappen stan
Dann jr narrheyt so fflich ist
Das yedem důch zůr kappen gbrist
Des glich all die verzwiffelt hant
Vnd sint verstrickt jnns tüfels bandt
- 25
- Als doreht frowen / bse wiber
All kuppeleryn / pfowentriber
Vnd andere die jn sünden synt
Vnd jnn jr narrheyt gantz erblynt
Do mit will ich ouch deren gedencken
- 30
- Die sich selbs dten / oder hencken /
Vnd kynd vertůnt / vnd die ertrencken
Die sint nit würdig der gesatz
Oder das man sie ler / vnd fatz
Doch ghren sie jnn narren zal
- 35
- Ir narrheyt gibt jnn kappen all
|
|