|
|
-
- D a s n a r r e n s c h y f f .
C V I I I . D a s s c h l u r a f f e n s c h i f f
- __________________________________________
- Ir gesellen / kumen har noch ze hant
Wir faren jnn schluraffen landt
Vnd gstecken doch jm můr / vnd sandt
![](bra_n108.jpg)
- Das schluraffen schiff
- Nit meyn / vns narren syn alleyn
Wir hant noch brűder groß / vnd kleyn
Inn allen landen über al
On end / ist vnser narren zal
- 5
- Wir faren vmb durch alle landt
Von Narbon jnn Schluraffen landt
Dar nach went wir gen Montflascun
Vnd jnn das landt gen Narragun
All port durch sůchen wir / vnd gstad
- 10
- Wir faren vmb mit grossem schad
Vnd künnent doch nit treffen wol
Den staden do man lenden sol
Vnser vmbfaren ist on end
Dann keyner weiß / wo er zů lend
- 15
- Vnd hant doch keyn růw tag / noch naht
Vff wißheyt vnser keyner acht
Dar zů hant wir noch vil gespanen
Trabanten vil / vnd Curtisanen
Die vnserm hoff stæts ziehen noch
- 20
- Kumen jnns schiff zům letzsten doch
Vnd faren mit vns vff gewynn
On sorg / vernunfft / wißheyt / vnd synn
Důnt wir für wor eyn srglich fart
Dañ keyner sorgt / lůgt / merckt vñ wart
- 25
- Vff Tablemaryn / vnd den compasß
Oder den vßlouff des stundglaß
Noch mynder des gestyrnes zwang
Wo hyn bootes / vrsa gang
Arcturus oder Hyades
- 30
- Des treffen wir Sympleyades
Das vns die felsen an das schiff
Zů beyden sytten gent eyn büff
Vnd knützschen das so gar zů trymmen
Das wenig vß dē schiffbruch schwymmē
- 35
- Wir wogen vns durch malfortun
Des kumen wir zů land gar kum
Durch Scyllam / Syrtim / vnd Charibd
Vnd sint gantz vß dem rechten trib
Des ist nit wunder / ob ouch wir
- 40
- Im mer sehen vil wunder thier
Als Delphynen vnd Syrenen
Die syngen vns sűß Cantylenen
Vnd machen vns als vast entschloffen
Das vnsers zů lend ist keyn hoffen
- 45
- Vnd műssen sæhen vmb vnd vmb
Cyclopem mit dem ougen krumb
Dem doch Vlysses das vß stach
Das er vor wißheyt jnn nit sach
Vnd jm keyn schaden zů mcht fűgen
- 50
- Dann das er brllen dett vnd lűgen
Glich wie eyn ochs / dem würt ein streich
Nit mynder der wise von jm weich
Vnd ließ jnn schrygen / grynen / weynen /
Doch warff er noch mit grossen steynen
- 55
- Das selb oug wechßt jm wider ser
Wann er ansicht der narren her
So spert ers vff / gen jnn so witt
Das man sunst sich jm antlytt nüt
Sin mul spatzyert zů beyden oren
- 60
- Do mit verschluckt er manchen doren
Die andern die jm schon entrynnen
Der würt Antyphates doch ynnen
Mit sym volck der læstrygonum
Die gont erst mit den narren vmb
- 65
- Dann sie sunst anders essen nüt
Dann narren fleisch zů aller zyt
Vnd drincken blůt für jrn wyn
Do würt der narren herberg syn /
Homerus hatt diß als erdacht
- 70
- Do mit man hett vff wißheyt acht
Vnd sich nit wogt lycht vff das mer
Hie mit lobt er Vlyssem ser
Der wise rætt gab / vnd gůt anschlag
Die wile man streit vnd vor Troy lag /
- 75
- Vnd wie der zehen jor dar noch
Mit grossem glück durch all mer zoch /
Do Cyrce mit jrr dranckes gwalt
Syn gsellen kert jnn thieres gstalt
Do was Vlysses also wiß
- 80
- Das er nit nam dranck oder spiß
Biß er das falsch wib über bßt
Vnd syn gesellen all erlßt
Mit eym krut das man moly heißt
Also halff jm vsß mancher nott
- 85
- Sin wißheyt / vnd vernünfftig rott
Die wile er aber ye wolt faren
Mcht er die leng sich nit bewaren
Im kem zů letst eyn wyder wynd
Der jm syn schiff zerfűrt geschwynd
- 90
- Das jm syn gesellen all erdryncken
All růder / schiff / sægel / versyncken
Syn wißheyt jm zů hülff doch kam
Das er alleyn / vß nacket schwamm
Vnd wust von vil vnglück zů sagen
- 95
- Wart doch von sym sůn dot geschlagē
Als er klppfft an synr eygnen tűr
Do künd wißheit nit helffen für
Nyemans was der jn kennen künd
Im gantzen hoff / alleyn die hund /
- 100
- Vnd starb dar vmb / das man nit wolt
In kennen / als man billich solt /
Do mit kum ich vff vnser fůr
Wir sůchen gwynn jn dieffen můr
Des würt vns bald eyn bse růr
- 105
- Dañ vns bricht mastboū / sægel / schnůr /
Vnd künnē doch jm mer nit scwymmē
Die wællen sint bß vff zů klymmen
Wann eyner wænt er sitz gar hoch
So stossent sye jn zů boden doch
- 110
- Der wyndt der tribt sie vff / vnd nyder
Das narren schiff kumbt nym har wider
Wann es recht vnder gangen ist
Dann wir hant weder synn noch lyst
Das wir vß schwymmen zů dem stad
- 115
- Als det Vlysses noch sym schad
Der me brocht nacket mit jm vß
Dann er verlor / vnd hatt zů huß /
Wir faren vff vnfalles schlyff
Die wællen schlagent űbers schyff
- 120
- Vnd næmen vns vil Galeoten
Es würt an die schyfflüt ouch geroten
Vnd ouch zů letst / an die patron
Das schyff důt wűst jnn schwænckē gon
Vnd mcht gar licht eyn wyrbel fynden
- 125
- Der schyff / vnd schyfflüt würd verslyndē
All hülff / vnd rott hat vns verlon
Wir werden jnn die harr vndergon
Der wynd verfűrt vns mit gewalt
Eyn wis man / sich do heym behalt
- 130
- Vnd næm by vns eyn wißlich ler
Wog sich nit lichtlich vff das mer
Er künn dann mit den wynden stritten
Alls Vlisses det / zů synen zytten
Vnd ob das schiff gang vnder joch
- 135
- Das er zů land künn schwymmen doch
Dar vmb erdryncken narren vil /
Zům stad der wißheyt yeder yl
Vnd næm den růder jnn die hend
Do mit er wiss / wo er hyn lend
- 140
- Wer wis ist / kumbt zů land mit fůg
Es sint doch on das narren gnůg
Der ist der best / der selber wol
Weiß / was man důn vnd lossen sol
Vnd den man nit darff vnder wisen
- 145
- Sunder die wißheyt selb důt prysen
Der ist ouch gůt / wer andere hrt
Vnd von jnn zücht / vnd wißheyt lert
Wer aber der keyns über al
Kan / der ist jnn der narren zal
- 150
- Ob der diß schiffs sich hat versumbt
So wart er biß eyn anders kumbt
Er würt gselschafft fynden geryng
Mit den er Gaudeamus sing
Oder das lied jm narren don
- 155
- Wir hant vil brűder dussen gelon
Das schiff ouch würt zů boden gon
|
|