|
|
-
- D a s n a r r e n s c h y f f .
X X I V . V o n z ů v i l s o r g .
- __________________________________________
- Wer aller welt sorg vff sich ladt
Vnd nit gedenckt syn nutz vnd schad
Der lyd sich / ob er ettwan bad
![](bra_n024.jpg)
- Von zů vil sorg.
- Der ist eyn narr / der tragen will
Das jm vffheben ist zů vil
Vnd der alleyn will vnderston
Das er selb dritt nit mcht gethon
- 5
- Wer nymbt die gantz welt vff syn rück
Der felt jn eynem ougenblück
Man lyßt von Alexander das
Die gantz welt jm zů enge was
Vnd schwitzt dar jnn / als ob er nit
- 10
- Für synen lib genůg hett witt
Ließ doch zů letst benűgen sich
Mit sibenschůhigem erterich
Allein der dot erzeigen kan
Wo mit man můß benűgen han
- 15
- Diogenes vil mæhtiger was
Wie wol sin bhusung was eyn faß
Vnd er nüt hatt vff aller erdt
So was doch nüt das er begerdt
Dann Alexander solt für gon
- 20
- Vnd jm nit vor der sunnen ston /
Wer hohen dingen stellet noch
Der můß die schantz ouch wogen hoch
Was hülff eyn menschen das er gwynn
Die gantz welt / vnd verdurb er drynn
- 25
- Was hülff dich / das der lib kæm hoch
Vnd fr die sel jns hellen loch /
Wer sorget ob die gænß gent bloß
Vnd sægen will all gaß vnd stroß
Vnd eben machen berg vnd tal
- 30
- Der hat keyn fryd / růw / vberal
Zů vil sorg / die ist nyenan fůr
Sie machet manchen bleich vnd dürr
Der ist eyn narr der sorgt all tag
Das er doch nit gewenden mag
|
|