|
|
-
- D a s n a r r e n s c h y f f .
X X V . v o n z u o b o r g v f f n e m ē
- __________________________________________
- Wer vil zů borg vff nemen will
Dem essent wlff doch nit syn zyl /
Der esel schlecht jn vnderwil
![](bra_n025.jpg)
- von zuo borg vff nemē
- Der ist me dann eyn ander narr
Wer stæts vff nymbt vff borg vnd harr
Vnd jn jm nit betrahten wil
Das man spricht / wlff essen keyn zyl
- 5
- Als důnt ouch die / den jr boßheyt
Gott lang vff besserung vertreit
Vnd sie doch tæglich mer vnd mer
Vff laden / dar durch gott der herr
Ir warttet / byß das stundlin kunt
- 10
- So bzalen sie bym mynnsten pfundt
Es sturben frowen / vieh / vnd kyndt
Do der von Amorreen sünd
Vnd Sodomiten kam jr ziel /
Hierusalem zů boden fiel
- 15
- Do jm gott beittet lange jor
Die Niniuiten bzaltten vor
Gar bald jr schuld / vnd wurden quit
Doch bhartten sie die lenge nit
Sie nomen vff noch grsser we
- 20
- Des schickt jn gott keyn Jonas me /
All ding die hant jr zyt vnd zyl
Vnd gant jr stroß noch / wie gott wil /
Wem wol ist mit nēmen vff borg
Der hat zů bzalen gantz keyn sorg /
- 25
- Nit biß by den / die bald jr hendt
Strecken / vnd für dich bürgen wendt
Dann so man nit zů bzalen hett
Sie nement kuter von dem bett /
Do hunger jn Egypten was
- 30
- Nomen sie korn vff so vil / das
Sie eygen wurden hyndennoch
Vnd můsten das bezalen doch /
Wann der esel anfoht syn dantz
Haltt man jn nit wol by dem schwantz
|
|