|
|
-
- D a s n a r r e n s c h y f f .
X X V I . v o n v n n u t z ē w u n s c h ē
- __________________________________________
- Wer wünschet das er nit verstot
Vnd nit syn sachen setzt zů got
Der kumbt zů schaden dick vnd spott
![](bra_n026.jpg)
- von vnnutzē wunschē
- Der ist eyn narr der wünschen důt
Das jm als bald schad ist als gůt /
Vnd wann ers hett / vnd wurd jm wor
So wer er doch eyn narr als vor
- 5
- Mydas der kunig wünschen wolt
Das alls / das er angriff / würd goldt
Do das wor wart / do leidt er nott
Dann jm zů gold wart wyn vnd brot /
Recht hatt er / das er deckt sin hor
- 10
- Das man nit sæch syn esels or
Die dar noch wůchsen jn dem ror
We dem syn wünsch all werden wor /
Vil wünschen das sie leben lang
Vnd důnt der sel doch also trang
- 15
- Mit schlēmen / prassen im wynhuß
Das sie vor zyt můß faren vß /
Dar zů ob sie schon werden alt
Sint sie doch bleich / siech / vngestalt
Ir backen vnd hüt sint so lær
- 20
- Als ob eyn aff jr můter wær /
Vil getzlicheyt die jugent hat
Das altter jn eym wesen stat
Inñ zittern glyder / stym / vnd hirn /
Eyn trieffend naß / vnd glatzeht stirn /
- 25
- Synr frowen ist er vast vnmær /
Im selbst / vnd synen kynden schwær
Im schmeckt vnd gfelt nüt was man důt
Vnd sicht vil das jn nit dunckt gůt /
Welch leben lang / die hand groß pin
- 30
- Allzyt jn nüwem vnglück syn
In truren vnd jn stætem leidt /
Enden jr tag jn schwartzem kleyd
Nestor / Peleus / vnd Laertes /
Beklagten sich jm alter des
- 35
- Das sie zů lang ließ leben gott
Do sie jr sűn an schowten dot /
Wer Priamus gestorben vor
Vnd het gelebt nit so vil jor
Sæh er nit leid so jæmerlich
- 40
- An sűn / frow / dchter / stat / vnd rich /
Wann Mythridates / vnd Marius /
Cresus / vnd der groß Pompeyus
Nit werent worden also alt
Werent sie dott in grossem gwalt /
- 45
- Wer hübscheyt jm / vnd synem kynd
Wünschet / der sůcht vrsach zů sünd
Wer Helena nit gwesen schon
Pariß het sie jn kriechen gelon /
Wer hæslich gsyn Lucrecia
- 50
- Sie wer geschmæchet nit also /
Hett Dyna kropff vnd hofer ghan
Sychem hett sie gelossen gan /
Es ist gar seltten das man treit
Bynander schonheyt vnd küscheyt /
- 55
- Vor vß / die hübschen hansen nůn
Die went all bübery yetz tůn
Vnd werden doch gefellet dick
Das man sie sticht jm narren strick /
Mancher wünscht / hüser / frow / vnd kynd
- 60
- Oder das er vil gulden fynd
Vnd des glich goückels / das gott wol
Erkennt / wie es geroten sol
Dar vmb gibt er vns ettwan nüt
Vnd das er gibt / nymbt er zů zyt
- 65
- Ettlich dem gwalt ouch wünschē noch
Vnd wie sie stygen vff vast hoch
Vnd btrachten nit das hher gwalt
Dest hher wider abher falt
Vnd das / wer vff der erden lyt
- 70
- Der darff vor vall sich vrchten nyt
Gott gibt vnß alles das er will
Er weist was recht ist / was zů vil
Ouch was vns nütz sy / vnd kum wol
War vß vns schad entspringen sol
- 75
- Vnd wann er vns nit lieber hett
Dann wir vns selb / vnd das er dæt
Vnd macht vns (was wir wünschttē) wor
Es ruwt vns / ee vß kem eyn jor /
Dann vnser bgir die macht vns blint
- 80
- Zů wünschen ding / die wider vns sint /
Wer wůnschen well das er reht leb
Der wünsch das jm gott dar zů geb
Eyn gsunden synn / lib / vnd geműt
Vnd jn vor vorcht des todes bhűt
- 85
- Vor zorn / begyr / vnd bsem gydt
Wer das erwirbt jn diser zyt
Der hat sin tag geleit baß an
Dann Hercules ye hat gethan
Oder Sardanapalus hatt
- 90
- In wollust / gfüll / vnd fæderwatt
Vnd hatt alles das jm wurt sin not
Darff nit an rüffen glück für got
Eyn narr wünscht synen schaden dyck
Syn wunsch würt offt syn vnglück
|
|