|
|
-
- D a s n a r r e n s c h y f f .
X L I . N i t a c h t e n v f f a l l r e d .
- __________________________________________
- Eyn glock on klüpfel / gibt nit thon
Ob dar jnn hangt eyn fuchßschwantz schon
Dar vmb loß red für oren gon
![](bra_n041.jpg)
- Nit achten vff all red.
- Wer by der weltt vß kumen will
Der můß yetz lyden kumbers vil
Vnd sehen vil / vor syner tűr
Vnd hren / das er gern entbűr
- 5
- Dar vmb jnn grossem lob die ston
Die sich der welt hant ab gethon
Vnd synd durch gangen berg vnd tal
Das sie die welt nit bræcht zů fal
Vnd sie villicht verschuldten sich
- 10
- Doch loßt die welt sie nit on stich
Wie wol sie nit verdienen kan
Das sie solch lüt sol by jr han
Wer recht zů tůn den willen hett
Der acht nit / was eyn yeder redt
- 15
- Sunder blyb vff sym fürnem stiff
Ker sich nit an der narren pfiff
Hetten propheten vnd wissagen
Sich an noch red by jren tagen
Kert / vnd die wyßheyt nit geseit
- 20
- Es wer jn yetz langst worden leit
Es lebt vff erden gantz keyn man
Der recht tůn yedem narren kan
Wer yederman künd dienen recht
Der műst syn gar eyn gůter knecht
- 25
- Vnd frűg vor tag dar zů vff ston
Vnd seltten wider schloffen gan
Der můß mæl han / vil me dann vil
Wer yedems mul verstopffen wil
Dann es stat nit jn vnserm gwalt
- 30
- Was yeder narr red / klaff / od kalt
Die welt můß triben das sie kan
Sie hatß vor manchem me getan
Ein gouch singt guckguck dick vnd lang
Wie yeder vogel syn gesang
|
|