|
|
-
- D a s n a r r e n s c h y f f .
X L I I . V o n s p o t t v o g e l e n .
- __________________________________________
- Es ist der narren gůt entbern
Die allzyt mit steyn werffen gern
Vnd went keyn straff vnd wyßheyt lern
![](bra_n105.jpg)
- Von spott vogelen.
- Ir narren / wellen von mir leren
Anfang der wyßheyt / vorcht des herren
All kunst der heilgen ist gespreit
In den weg / der fürsichtikeyt
- 5
- Von wyßheyt würt der mensch geert
Von jr all tag' / vnd jor gemert
Eyn wyser ist nütz der gemeyn
Eyn narr syn kolben dreitt alleyn
Vnd mag vor wyßheyt hren nitt
- 10
- Er spott der wysen zů aller zyt
Wer eyn spott vogel leren will
Der macht jm selbst gespttes vil
Wer strofft eyn boßhafftigen man
Der henckt jm selbst eyn spætlin an
- 15
- Eyn wysen stroff / der hrt dich gern
Vnd yllt / von dir me wyßheyt lern
Wer eyn gerechten stroffen důt
Der hat von jm syn stroff für gůt
Der vngerecht geschændet vil
- 20
- Vnd würt doch selbst geschænt bywil
Der hæher eyn spottvogel ist
Vnd ist doch vil / das jm gebrist
Wann man eyn sptter würfft für thűr
So kumbt mit jm / all spott hyn fůr
- 25
- Vnd was er zanck vnd speywort tribt
Das selb dann vor der tűren blybt
Hett Dauid nit syn selbs geschont
Nabal wer syns gspts gelont /
Sannabalath syn spottes ruwt
- 30
- Do man die mur Hierusalem buwt
Die kynd wurdent von Beren gdt
Die glatzeht schulten den prophet
Semey hat noch gar vil sűn
Die gern mit steynen werffen tűn
|
|