|
|
-
- D a s n a r r e n s c h y f f .
L X X I V . V o n v n n u t z e m j a g e n
- __________________________________________
- Mancher vil kost vff jagen leytt
Das jm doch wenig nutz vß dreyt
Wie wol er dick eyn weydspruch seyt
![](bra_n018.jpg)
- Von vnnutzem jagen
- Jagen ist ouch on narrheit nit
Vil zit vertribt man on nutz mit
Wie wol es syn sol eyn kurtz wil
So darff es dannaht kostens vil
- 5
- Dann leydthund / wynd / rüdē / vñ brackē
On kosten füllen nit jr backen /
Des glich hund / vogel / væderspil
Bringt als keyn nutz / vnd kostet vil
Keyn hasen / repphůn / vohet man
- 10
- Es statt eyn pfundt den jæger an
Dar zů darff man vil herter zyt
Wie man jm noch louff / gang / vnd rytt
Vnd sůcht all berg / tal / wæld / vnd heck
Do man verhag / wart vnd versteck /
- 15
- Mancher verscheycht me dann er jagt
Das schafft er hat nit recht gehagt /
Der ander voht eyn hasen offt
Den er hat vff dem kornmarckt koufft
Mancher der will gar freydig syn
- 20
- Wogt sich an lwen / beren / schwyn
Oder stygt sunst den gæmpsen noch
Dem würt der lon zů letsten doch /
Die buren jagen jn dem schne
Der adel hat keyn vorteyl me
- 25
- Wann er dem wiltpret lang noch loufft
So hats der buwr / heymlich verkoufft /
Nembroht zům erst fing jagen an
Dann er von gott was gantz verlan /
Esau der jagt vmb das er was
- 30
- Eyn sünder / vnd der gotts vergaß
Wenig jæger als humpertus
Fyndt man yetz / vnd Eustachius
Die liessen doch den jæger stodt
Sust truwten sie nit dienen gott
|
|