|
|
-
- D a s n a r r e n s c h y f f .
L X X V . V o n b o s e n s c h u t z e n
- __________________________________________
- Wer schyessen will / der lůg vnd triff
Dann důt er nit die rechten griff
So schüßt er / zů dem narren schiff
![](bra_n075.jpg)
- Von bosen schutzen
- Wolt es die schűtzen nit vertryessen
Ich richt ouch zů / eyn narren schyessen
Vnd macht eyn schützreyn / an dem staden
Des mancher fælt / nit on syn schaden
- 5
- Dar zů synt goben ouch besteltt
Der næhst bym zyel / der selb der heltt
Zům mynst er zů verstechen kumt
Doch lůg er / vnd heb nit jnn grundt
Noch jn die hh / sunder jnns zyl
- 10
- Wann er den zwæck sunst rűren will
Vnd dűg syn anschlag nit zűr yl
Vil sint die schyessen über vß
Eym bricht der bogen / senw / vnd nuß
Der důt am anschlag manchen schlypf
- 15
- Dem ist verruckt stůl oder schyppf
Dem losßt das armbrust / so ers rűrt
Das schafft der wyndfad ist geschmyert
Dem stæckt das zyl nit glich alls ee
Vnd kan syn gmerck nit haben me
- 20
- Der hatt gemacht gar vil der schütz
Die jm doch sint gantz wenig nütz
Das schafft / jm würt die suw kum wol
Wann man zů letst verschyessen soll
Keyn schütz so wol sich yemer rüst
- 25
- Er fynd allzyt / das jm gebrüst
Dann diß / dann jhens / do mit er hett
Eyn wrwort / das syn glympff errett
Wann er nit hett gefælet dran
So hett er fry / die gob behan /
- 30
- Vor vß / weiß ich noch schützen mer
Wann die eyn schyessen hren verr
Do hyn von allen landen lüt
Zů ziechen vff bestymbte zitt
Die besten die man fünden kan
- 35
- Der eynr die gob kum vor wolt han
Dann er all schuß / haltt an dem zwæck
Das eyner dann ist so eyn gæck
Der weist das er nüt gwynnet gar
Vnd dannacht do hyn zyehen tar
- 40
- Vnd do versůchen ouch syn heil
Ich nem syn zerung / für syn teyl /
Ich will des gelts jnn doppel geschwigē
Die suw würt jm jnn ermel schrygen /
Zůr wißheyt mancher schiessen will
- 45
- Vnd wenig treffen / doch das zyl
Das schafft / mâ seygt nit reht dar noch
Der haltt zů nyder / der zů hoch
Der loßt sich bringen vß dem geseyg
Dem bricht syn anschlag gantz entzwey
- 50
- Der důt als Jonathas eyn schuß
Dem fert syn anschlag hynden vß
Wer wißheit eben treffen will
Der durfft / das er hett solche pfil
Der hercules hatt me dann vill
- 55
- Mit den er traff alls das er gerdt
Vnd was er traff / viel dott zůr erdt /
Wer recht zůr wißheit schiessen will
Der lůg das er halt moß vnd zyl
Dann fælt er / oder hebt nit dran
- 60
- So můß er mit den narren gan
Wer schyessen will / vnd fælt des reyn
Der dreit die suw jm ermel heyn
Wer jagen / stechen / schyessen will
Der hat kleyn nutz / vnd kosten vil
|
|