|
|
-
- D a s n a r r e n s c h y f f .
L X X V I I I . V o n g d r u c k t e n n a r r ē .
- __________________________________________
- Vil narren sint jn disem druck
Die doren sint / jnn manchem stuck
Den sitzt der esel vff dem ruck
![](bra_n078.jpg)
- Von gdruckten narrē.
- So vil sint jn dem narren orden
Das ich schier wer versessen worden
Vnd hett des schyffes mich versumbt
Hett mir der esel nit gerumbt
- 5
- Ich bin der / den all ding důnt drucken
Will mich recht jnn winckel schmucken
Ob mich der esel wolt verlon
Vnd nit stæts vff mym rucken stan
Wann ich alleyn gdult dar zů hab
- 10
- Hoff ich / des esels kumen ab
Doch hab ich sunst vil gsellen gůt
Die druckt alls das mich drucken důt
Als der nit volget gůtem rott /
Wer zürnet / so es nit ist nott
- 15
- Wer vnglück koufft / wer trurt on sach
Wer lieber krieg hat / dann gemach
Wer gern sicht můtwill siner kynd
Wer halt syn nochbuwr nit zů fründ
Wer lydet das jn druck syn schůch
- 20
- Vnd jnn syn frow jm wynhuß sůch
Der ghrt wol jnn das narrenbůch
Wer me verzert dann er gewynnt
Vnd borget vil / so jm zerrynnt
Wer zücht syn frow eym andern vor
- 25
- Der ist eyn narr / gouch / esel thor /
Wer gdenckt die vile / der sünden syn
Vnd was er drumb můß lyden pin
Vnd mag doch frlich syn dar mitt
Der gehret vff den esel nitt
- 30
- Sunder der esel vff syn ruck
Das er jn gantz zů boden truck
Der ist eyn narr / der sicht das gůt
Vnd noch dem bsen stellen důt
Hie mit sint narren vil gerűrt
- 35
- Die diser esel mit jm fűrt
|
|