|
|
-
- D a s n a r r e n s c h y f f .
L X X I X . R u t e r v n d s c h r i b e r
- __________________________________________
- Wenn rüter / schriber / gryffen an
Eyn veisßten / schlechten / bürschen man
Der műß die leber gessen han
![](bra_n079.jpg)
- Ruter vnd schriber
- Schriber vnd rüter / man ouch spott
Sie sygen jnn der narren rott
Sie bgont sich noh / mit glicher nar
Der schyndt heymlich / der offenbar
- 5
- Der wogt syn lib jnn druck vnd naß
Der setzt syn sel jnns dinckten faß
Der rüter stoßt vil schüren an
Der schryber můß eyn buren han
Der veisßt syg / vnd mg trieffen wol
- 10
- Do mit er ryechen mach syn kol
Wann yeder dæt als er thůn sol /
So weren sie beid gelttes wert
Dyser mit fædern / der mit schwert
Mht man jr beid entberen nitt
- 15
- Wann ob der hant nit wer jr schnytt
Vnd durch sie würd das recht versert
Man vß dem stægenreiff sich nert /
Die wile aber vff eygen gwynn
Eyn yeder stelt syn můt vnd synn
- 20
- So wllen sie verzyhen mir
Das ichs jm narrenschiff ouch für
Ich hab sie des gebetten nitt
Ir yeder selb den fůrlon gytt
Vnd will sich vff eyn nüws verdingen
- 25
- Sunst kunden vil / jns schiff zů bringen /
Schriber vnd glysßner sint noch vil
Die triben yetz wild rüterspil
Vnd neren sich kurtz vor der handt /
Glich wie die reißknecht / vff dem landt /
- 30
- Es ist worlich eyn grosse schand /
Das man die strossen nit wil fryen
Das bylger / koufflüt / sicher sygen /
Aber ich weis wol / was es důt
Man spricht es mach das geleyt vast gůt
|
|